Það var ekki ljóst fyrr en um 10 leytið hvort við myndum sigla heim klukkan 13 eða 16, það færi eftir því hvort það væru farþegar að fara í dagsgöngu um Hornbjargið.
Við fórum því bara í tvær léttar gönguferðir eftir að hafa pakkað niður tjaldi og búnaði. Gengum fyrst upp að húsinu á Horni og fossinum og til baka.
Gengum svo alla strandlengjuna og sáum marglyttur sem höfðu skolast í land.
Siglingin heim var svo guðdómleg um 79 km löng þar sem við sigldum mjög fallega útsýnissiglingu.
Gengum frá Höfn í Hornvík út á Horn við Hornbjarg, þ.e. í gegnum Ystadal. Fórum þaðan uppá og yfir Miðfell (Miðdalur) og þaðan fór hluti hópsins uppá toppinn á Kálfatindum. Við fórum þetta allt undir frábærri leiðsögn Esterar refamömmu og heyrðum skemmtilegar sögur frá Hornströndum.
Að sjálfsögðu voru teknar reglulega nestispásur og fylgst með refunum og sáum líka yrðlinga. Frábært að ganga bara með léttan dagpoka, eftir að hafa gengið með þunga bakpoka síðustu tvo daga.
Guðdómlegt veður, frábær félagsskapur og magnað útsýni.
Gengjum samtals 23 km á 12 klst og 880 metra samanlögð hækkun.
Þegar við vöknuðum voru 5menningarnir sem gengu frá Fljótavík í Hornvík, komnir á staðinn, en þau höfðu gengið mjög krefjandi göngu deginum á undan. Þau lögðu af stað á laugardeginum og gengu Hlöðuvík, Aðalvík, Aðalvík-FLjótavík og svo Fljótavík-Hornvík.
Það var ótrúlega heitt alla nóttina þar sem sólin skein alla nóttina. En það var orðið aðeins skýjað um morguninn þegar við vöknuðum. Eftir morgunmat var tjaldinu pakkað og haldið áfram og lá leiðin til Hornvíkur þar sem við ætluðum að hitta restina af hópnum.
Þegar við komum kvöldið áður í Hlöðuvík, leist okkur ekkert á fjallið sem blasti við okkur, þ.e. gönguleiðin á degi 2. Hins vegar þegar við vorum lögð af stað og komin uppá fjallið þá var það mun einfaldara að klífa en það leit út í upphafi. Leiðin var mjög falleg yfir Atlaskarð og við hittum leiðsögumann frá FÍ á leiðinni, sem var að snúa við í skálann í Hlöðuvík.
Við gengum samtals 11 km með 529 metra hækkun. Tíminn var 5 klst og 20 mín.
Þegar við komum að Hornvík (Höfn) þá var ég ekki viss um hvort við ættum að hitta hópinn þar eða útí Horni þar sem eru tvö hús. Fann ekkert um það í tölvupóst samskiptum. Kíktum því í bragga-tjald sem var þarna við ströndina og þar var merkið BOREA ADVENTURES og hvað við vorum glöð að þurfa ekki að ganga með bakpokana alla leið út í Höfn 🙂
Fengum frábærar móttökur frá starfsmönnum Borea þar sem okkur var boðið uppá kaffi og súkkulaðikex. Eftir að hafa tjaldað, þá velti ég fyrir mér að ganga á móti hópnum sem var að koma úr Veiðileysufirði, en Ester hafði farið á móti þeim, áður en við komum. Svo bara kom hópurinn, léttur og glaður og það var gaman að hitta þau öll.
Ég var svo farin að hafa áhyggjur af 5menningunum sem höfðu lagt af stað frá Hlöðuvík á eftir okkur, svo ég ákvað að fara á móti þeim. Hitti þau eftir um 1 km göngu þar sem þau voru að fara upp og niður kaðal smá skarð sem þurfti að klífa, svo það var ágætt að geta aðstoðað þau og gaman að hitta þau aftur.
Fengum svo frábæran pastakvöldmat hjá Borea og ostaköku í desert, yndislegt kvöld.
Við sigldum með Sjóferðum Hafsteins og Kiddýjar og Hafsteinn var skiptstjórinn í ferðinni, ásamt Stíg. Við sigldum frá Ísafirði klukkan 09:00. Um borð voru nokkrir farþegar ásamt tveim Kayökum.
Við fengum 3 klst útsýnistúr, þar sem við sigldum alla Jökulfirðina. Fyrsta stopp var í Grunnavík, annað stopp í botni á Hrafnsfirði, þriðja stopp við Drápsvík og svo átti að fara á Hesteyri, en þá kom neyðarkall frá Landhelgisgæslunni um vélavana bát, þar sem sækja þurfti farþega. Svo snúið var við áleiðis til Bolungarvíkur og farþegar teknir um borð. Eftir það var hægt að sigla til Hesteyrar og við komum þangað um klukkan 12:00.
Veðrið var einstaklega gott, sól og blíða og blankalogn og hiti. Við byrjuðum á að fá okkur kaffi og skoða Læknishúsið á Hesteyri (þekkt úr bókinni Ég man þig, eftir Yrsu) og fylltum á vatnsbrúsa. Lögðum svo af stað um klukkan 13.00 frá Læknishúsinu.
Það var mikill snjór á leiðinni en mjög fámennt af fólki. Vorum yfirleitt bara tvö á allri leiðinni. Við stoppuðum reglulega til að taka af okkur bakpokana, en við vorum með um 15 og 20 kg bakpoka á bakinu, þ.e. almennilegt tjald, dýnur, svefnpoka, auka fatnað, mat og drykki.
Ganga frá Hesteyri til Hlöðuvíkur var um 15 km löng, 560 metra hækkun, og heildargöngutími 6 klst og 40 mín. Þessi fyrsti dagur var alveg krefjandi, enda þarf að venjast því að ganga með svona þungan bakpoka, en leiðin var virkilega falleg.
Tjölduðum svo í Hlöðuvík og kvöldið var gjörsamlega guðdómlegt að horfa á sólina setjast á sjóinn, var algjörlega magnað.
Það var sól og blíða þegar við vöknuðum á tjaldstæðinu í Tungudal á Ísafirði. Fengum okkur kaffi og smá sólbað áður en ég skellti mér í 14 km létt utanvega skokk um Ísafjörð.
Eftir skokkið fórum við í að gera bakpokana fyrir Hornstrandaferðina ready fyrir siglinguna á mánudagsmorgun.
Fórum svo að leita að USB hleðslupungum, þar sem við treystum ekki á rafmagnið á sólarsellugræjunni, hafði ekki verið að hlaða nógu hratt á Vestfjörðum.
Fórum í Nettó að leita að USB og hittum þá hana Veigu kayakræðara sem fór hringinn í kringum Ísland. Hún bauðst til að lána mér svona USB charger svo við fórum heim með henni og fengum þetta lánað.
Síðan borðuðum við á Asíska staðnum hjá Nettó sem er geðveikt góður og vel útilátinn. Gott að hlaða vel fyrir átökin.
Kíktum í miðbæinn á Ísafirði, ætluðum að kíkja á Bobba í Craft búðinni, en það var lokað vegna sumarfría. Við fórum í Bónus og versluðum fyrir Hornstrandarferðina og svo kíktum við í Gamla Bakaríið og pöntuðum flatkökur til að smyrja með okkur á mánudagsmorgninum.
Gengum um allan bæinn og rúntuðum líka.
Fórum líka til baka göngin til Flateyris og kíktum á gömlu bókabúðina. Fórum í sund á Suðureyri og fengum kaffi og frostpinna í heita pottinn. Kíktum svo í Bolungarvík og keyrðum uppá Bolafjall og ókum í gegnum Hnífsdal á leiðinni til baka.
Áttum svo yndislega kvöldstund á Húsinu með vinum okkar þeim Hrönn og Jóni Örvari, frábær matur og félagsskapur.
Kvöddum fallega bústaðinn á Bíldudal með þökkum. Keyrðum svo áleiðis til Þingeyris og komum við og gengum upp að fossinum Dynjanda. Mikið ofboðslega er hann fallegur.
Lögðum svo við íþróttamiðstöðina á Þingeyri, þar sem var strandblak keppni í gangi í bongó blíðu.
Við hjóluðum svo Vesturgötuna, 56 km, sem var mjög krefjandi en falleg leið. Þegar við komum að tanganum á milli Arnarfjarðar og Dýrfjarðar, þá komu fram úr okkur 7 mótorhjólamenn allir á Triumph mótorhjólum, ótrúlegt að þeir hefðu hjólað þessa grófu leið, þ.e. bara í fjörunni.
Við rétt náðum í sund fyrir lokun þ.e. klukkan 21:00 og hittum þar Hrönn og Jón Örvar sem voru að hjóla sömu leið fyrr um daginn. Við ætluðum svo að fá okkur að borða og tjalda, en þá var búið að loka öllum eldhúsum á Þingeyri. Það var því ekkert annað í boði en að aka á Ísafjörð og fá okkur að borða þar og tjalda þar.
Þar sem við ókum beint á Bíldudal frá Patreksfirði í gær, þá ákváðum við að kíkja á Tálknafjörð í dag.
Kíktum á búðina xxx sem selur Galdrakremin og hittum frumkvöðulinn og eigandann hana Öllu. Keyptum að sjálfsgöðu af henni galdrakrem. Fórum svo og fengum okkur samloku og kaffi hjá Dagnýju í xxxx .
Enduðum svo daginn á að fara í Pollinn sem er á leið út Tálknafjörðinn.
Gistum svo aftur á Bíldudal.
Gistum aðra nótt á Rauðasandi og það var aftur bongó blíða þegar við vöknðum.
Eftir morgunkaffi og morgunmat, hjóluðum við um Rauðasand. Kíktum á Saurbæjarkirkju og töluðum við dóttir bóndans á xxxxdx.
Skelltum okkur svo aftur á ströndina fyrir neðan tjaldstæðið þar sem við tókum drónamyndir, þar sem ég bæði synti í sjónum og hljóp berfætt á stHjóluðum um Rauðasand og fórum svo í sund á Patró, borðuðum þar og keyrðum svo á Bíldudal og gistum í gullfallegum sumarbústað.
Frábært veður þegar við vöknuðum á tjaldstæðinu við Rauðasand.
Fórum í göngutúr upp á Stálfjallið og gengum svo um ströndina þegar við komum niður aftur.
Tók svo létt 8 km skokk berfætt á ströndinni á meðan Óli lagði sig.
Aðeins búið að fjölga á tjaldstæðinu, en það voru bara 3 tjöld þegar við komum, enda veðrið alveg magnað.
Grilluðum og gengum svo um fallegu ströndina aftur um kvöldið og horfðum á sólina setjast á bak við
