Hjól

Klukkan 15:30 lauk móttökunni í garðinum og við hjóluðum heim á hótelið okkar. Á leið okkar lentum við í úrhellis rigningu, svo mikil rigning að mörg lið biðu eftir að stytti upp, en við íslensku víkingarnir létum það nú ekki stoppa okkur. Hins vegar sprakk hjá einum hjólaranum svo við biðum aðeins þar sem það var langt best að hjóla saman til baka á hótelið, en vorum samt í tveim hópum. Við Víó fengum að leiða seinni hópinn, en það var mikið um rauð ljós og stopp og keðjan að slitna, en sem betur fer gekk ferðin á hótelið í gegnum París mjög vel.

Þegar við komum á hótelið byrjuðum við á að taka í sundur hjólin, pakka þeim í kassana og komum þeim fyrir í bílunum, sem betur fer var orðið þurrt, svo við þurftum ekki að pakka í blauta pappakassa.

Eftir pökkun, var bara sturta og svo farið út að borða á ítalskan veitingastað, beint á móti hótelinu þar sem við fengum EKKI góða þjónustu. Biðum mjög lengi eftir matnum og sumir fóru án þess að hafa fengið að borða.

En það voru samt MJÖG GLAÐIR hjólarar sem skáluðu fyrir virkilega vel heppnaðri ferð.

FRÁ FB SÍÐU TEAM RYNKEBY

Team Rynkeby Ísland Þetta árið erum við með feikna sterk hjólalið, sáum strax þegar búið var að taka inn nýja liðið að spennandi tímar væru framundan. Þegar liðsmenn leggja sig allir fram á æfingum koma framför sem er alveg magnað að upplifa.Við þurftum að rotera smá hvar fólk hjólaði, í hvaða stöðu og línu. Þegar liðið er sterkt eins og okkar þá er ekki mikið mál að skipta út fólki. Auðvelt er að hvíla þá sem draga lestina hvað mest og setja þá á góða staði þar sem ekki þurfti að brjóta vind og átökin önnur.Við fengum að heyra að við erum sterkir hjólarar sem geta tætt í sig brekkur enda æfum við oft við krefjandi aðstæður þar sem veður spilar mikið inn í. Talað er um að Íslenska liðið fari hratt yfir. Því höfum við aldrei pælt í.Við náðum frábæru hjóli í gegnum Evrópu. Allt gekk vel og fallegt hjól í heild sinni. Hjólarar héldu góðri athygli sem skiptir öllu á löngum dögum.Þessir mögnuðu hjólara í liðinu 2023 stóðu sig frábærlega og París varð okkar

Við byrjuðum daginn á því að hjóla inn í París.

Eftir um 40 km rúlluðum við aðeins inná Champs-Elysees eitt vinsælasta breiðstræti Parísar. Champs-Elysees
var hönnuð með það í huga að sólin settist við enda hennar tvisvar á ári. Þegar við fórum af hliðargötu inná
Champs-Elysees og beygðum til vinstri var Sigurboginn á hægri hönd.

Sigurboginn sem er betur þekktur undir nafninu Arc de Triomphe stendur við enda götunnar Champs-Elysees. Napóleon lét reisa Sigurbogann eftir sigur sinn í bardaganum við Austerlitz árið 1805 og var hann tilbúinn 31 ári seinna, árið 1836. Hann var reistur til heiðurs þeim sem börðust fyrir Frakkland, sérstaklega í stríðum Napóleons.

Á Sigurboganum eru nöfn allra herforingjanna sem börðust og einnig eru nöfn á öllum stríðunum upptalin. Undir boganum
sjálfum er gröf hins óþekkta hermanns sem dó í fyrri heimstyrjöldinni. Hægt er að fara upp í Sigurbogann og
horfa yfir borgina. 12 breiðgötur liggja frá Sigurboganum, og margar af þeim heita í höfuðið á þekktum
herforingjum.

Næst lá leiðin að hinum 324 metra háa Eiffelturni. Hann var byggður á árunum 1887-89 fyrir heimssýninguna 1889 og eftir hana átti að taka hann niður aftur. Turninn var byggður til minnis um að þá voru 100 ár frá frönsku byltingunni. Eiffelturninn er nefndur eftir Gustave Eiffel en hann var hönnuður turnsins. Turninn er um 7300 tonn að þyngd og til að mála turninn þarf 60 tonn af málningu á 7 ára fresti. Á kvöldin er turninn lýstur upp á heila tímanum í 5 mínútur, algjörlega þess virði að sjá. Eiffelturninn er opinn almenningi og hægt að komast alla leið á toppinn og njóta útsýnisins um París. Það þarf að reikna með góðum tíma í að fara upp því oft eru langar biðraðir enda koma 25.000 manns daglega í Eiffelturninn.

Áður en við komum í garðinn sem öll liðin hittast í hjóluðum við eftir stíg við hliðina á síki og sáum fleiri lið sem voru á sömu leið.

Við komum í garðinn Prairie du Cercle Sud, á milli kl:13:00-14:00. Þar söfnuðust öll liðin og aðstoðarfólk saman.
Þangað voru ættingjar og vinir velkomnir að koma og taka móti okkur og fagna með okkur áfanganum.
Garðurinn er opinn fjölskyldum okkar og vinum frá kl: 12:00.

Þetta var algjörlega mögnuð stund að hjóla í garðinn. Ég hjólaði í garðinn með Víó, og ég fékk tár í hvarma og gæsahúð, stundin var það mögnuð. Svo var yndisleg og gaman að sjá fjölskyldumeðlimi taka á móti mökum sínum og börnum, algjörlega mögnuð og skemmtileg stund.

Við erum nú heldur betur farin að nálgast París. Við gistum á hóteli sem er rétt hjá Charles de Gaulle
flugvellinum sem er tíundi stærsti flugvöllur í heimi og annar stærsti í Evrópu. Árið 2017 fóru rúmlega 69
milljónir farþegar um völlinn. Það er nálægt því að hver einasti Íslendingur færi 198 sinnum um völlinn.
Í kvöld var síðasta skipulagða kvöldmáltíð liðsins í ferðinni.

FRÁ FB SÍÐU TEAM RYNKEBY

Dagur 7. Föstudagur 14.Júlí Frakkland Reims – ParísÍ dag bíða okkar 128 km og 1334 hæðametrar. París er farin að nálgast hálf ótrúlegt Í dag er þjóðhátíðardagur Frakklands. Það verður rólegt yfir þessu svæði fólk í fríi og eigum eftir að sjá franska fánan blakta fallega Við höfum verið hreinskilin og þetta er farið að rífa í. Vöðvar eru þreyttir og aumir. Það allra heilagasta er mjög aumt og í sárum hjá sumum. Margir eru aumir í höndum . Við eigum bara 200 km eftir til Parísar og trúið okkur, við eigum eftir að njóta þess að klára þessa vegferð fyrir langveik börn. Til þess að við getum þetta þurfum við að leggja okkur öll fram, fara út á okkar ystu brún en veik börn á Íslandi þurfa að heyja miklu meiri baráttu Lífið er í dag og við ætlum að njóta þess að hjóla fyrir Umhyggju

Byrjuðum daginn í Belgíu en eftir um 38 km fórum við yfir landamærin og erum þá komin til FRAKKLANDS.

Héldum leiðinni áfram gegnum franska smábæi og sveitir og enduðum daginn á hóteli í borginni Reims. Í borginn Reims eru margir af stærstu kampavínsframleiðundunum með höfuðstöðvar. Meðalhitinn í júlí í Reims er 24,7 °C

FRÁ FB SÍÐU TEAM RYNKEBY

Dagur 6. Fimmtudagur 13. júlíTransinne – ReimsÍ dag verða farnir 165 km og 1334 hæðametrar. Við erum að hjóla frá Belgíu yfir til Frakklands. Við erum að fara hjóla í sveitum Frakklands og falleg leið bíður okkar. Erum mikið að hjóla á sveitarstígum í gegnum fallega smábæi. Í dag fylgir okkur ljósmyndari og fjölmiðlafólk frá höfuðstöðvum Team Rynkeby okkur. Já við vorum valin Já liðið frá Íslandi vekur athygli á margan hátt. Erum víst sterkir hjólarar enda æfum við oft í krefjandi veðri heima og guli fákurinn rúllar víst hratt hjá okkur. Þeim finnst líka okkar lið alltaf svo skemmtilegt en það allt vissum við Þó fjölmiðlafólk verði með okkur í dag þá ætlum við bara að njóta þess að hjóla og vera saman í vegferð fyrir langveik börn

Framkvæmdastjóri söfnunar Team Rynkeby, Solvejg Lauidsen hjólað með okkur í dag. Mikill heiður að hún hafi valið okkar lið til að kynnast betur og mætt með fjölmiðlafólk með sér.Þetta fjölmiðlafólk fékk að sjá inn í okkar hjörtu í dag og reyna að festa eldmóð og kærleika á filmu Setningin „mayby the best Service Team ever“ Hreyfði alveg við okkur

Frakkland Við kvöddum fallegu Belgíu og hjóluðum inn í yndislegar sveitir Frakklands. Þetta er dagur sem liðið 2023 á ekki eftir að gleyma. Fjölmiðlafólk var að mynda okkur og droni sveif yfir. Tekin voru viðtöl við okkur. Við erum hálf hrærð yfir þessari athygli .Við þykjum öflugt lið að öllu leiti. Dugleg að hjóla og hjólum hratt. Söfnum okkar vekur athygli hvað við þetta litla duglega lið nær að safna fyrir sín langveiku börn Dönsku liðin kalla okkur “ The crazy pepole” við vitum ekkert hvað þau meina.Okkar söfnun stendur sem hæðst og öll framlög skipta máli og renna óskipt til Umhyggju félag langveikra barna.Team Rynkeby við erum þakklát fyrir æðislegan dag sem varð okkar Svona rúllum við undir lok á degi 6.

Morgunmatur 06:30, tilbúin 07:45 og brottför fyrir klukkan 08:00.

Í dag var síðasti langi hjóladagurinn með um 190 km, en við Víó lengdum til að ná 200 km svo ég hjólaði 203 km þennan daginn. Næstu dagar verða styttri í kílómetrum en hinsvegar fjölgar þá hæðarmetrunum.

Eftir um 59 km fórum við yfir landamæri Hollands yfir til Þýskalands hjóluðum síðan 59 km í þýskalandi, eftir að
hafa hjólað 118 km kvöddum við Þýskaland alveg og hjóluðum inn í Holland. Þegar við erum búinn að
hjóla 163 km þá fórum við inn í Belgíu og héldum áfram á hótelið í Genk.

Í borginni Genk búa rúmlega 65.000 manns en 54% íbúanna eru innflytjendur frá um 85 þjóðlöndum.

Eftir ca 80 km fórum við yfir ána Rín og þá erum við hálfnuð á leið okkar til Parísar.

FRÁ FB SÍÐU TEAM RYNKEBY

Dagur 4 Þýskaland Holland Belgía Í dag verður hjólað 196 km og 333 hæðametrar. Við hjólum í gegnum borgina Wesel en 97% af borginni var eyðilögð i seinni heimstyrjöldinni. Við hjólum lítið í Hollandi, einungis ca 25 km og förum beint yfir til Belgíu.4. dagur og þetta er farið að rífa í. Komin sár á góða staði og aumur rass. Þetta er ekkert á við þjáningar veikra barna og það sem þau þurfa að ganga í gegnum

Við sem höfum farið þetta áður vitum að dagur 4 er einn sá erfiðasti. Við erum i miðju verkefni sjáum ekki til lands og hvort sem það er hjólari eða Service við erum öll orðin pínu þreytt. Við erum meðvitum um dag 4 og andlega ætlum við að mæta þessum degi extra glöð og tækla allar tilfinningar sem mæta okkur saman. Þeir sem þurfa extra faðmlag og klapp á bakið fá það í miklu magni í dag

Morgunmatur 06:30, mæting 07:45 og brottför fyrir klukkan 08:00.

Við byrjuðum þennan hjóladag í á því að sigla yfir ánna Weser. Áin Weser er þriðja lengsta fljót innanlands
í Þýskalandi 744 km löng. Hægt er að sigla frá Bremerhaven alla leið til Münden. Til þess þarf að fara um átta
skipastiga, sem sumir gegna líka hlutverki vatnsorkuvera.

Eftir stutta siglingu héldum við hjólandi af stað um Þýskaland. Leiðin í dag lá í gegnum nokkra bæi en
mest vorum við á þægilegum vegum. Eftir ca 153 km hjóluðum við inn i Holland og enduðum í bænum
Hengelo.

Holland hét upphaflega Holtland sem merkir skógarland.

AF FB SÍÐU TEAM RYNKEBY

Dagur 3. Mánudagur 11. júlí Bremen – HengeloVið vorum nóttina í Bremen. Ótrúlega fallegur bær. Fórum snemma að sofa til að hvíla sem best og ná góðri endurheimt. Í gærkvöldi voru þrumur og eldingar ekkert smá, himinn var í ljósum logum. Í dag er þokumystur yfir og rigning. Við erum alveg glöð að fá smá hvíld frá sólinni Í dag verða farnir 180 km og 261 hæðametrar. Hótelið er við ána Weser. Töltum nokkur skref niður að á með hjólin okkar. Byrjum á að sigla yfir ánna, Weser sem er þriðja lengsta fljótið í Þýskalandi. Leiðin í dag liggur í gegnum nokkra fallega bæi og mest erum við á þægilegum vegum. Ætlum að setja fegurð Þýskalands beint inn i hjartað

Meðalhraðinn á hjólatölvunni var 24 km á klst – þetta er úrið sem tekur líka tíma þegar ég geng um í mat og kaffi.. svo þess vegna er meðalhraði lægri .. en lófatölvan var óvart still á e-bike svo ég þurfti að kveikja og slökkva á henni …

Morgunmatur 06:30, mæting 07:45 og brottför fyrir klukkan 08:00.

Við lögðum af stað frá LandHaus Pfahlershof og hjóluðum áfram í Þýskalandi. Dagurinn var frábrugðinn öðrum
hjóladögum að því leyti að við fórum í tvær siglingar.

Fyrri siglingin var eftir að hafa hjólað í um 51 km og er yfir Kílarskurðinn. Kílarskurðurinn er 460 km langur og nær frá Kiel til árinnar Elbe. En það er einmitt áin Elbe sem við siglum líka yfir eftir að hafa hjólað 81 km.

Áin Elbe eða Saxelfur er ein af helstu siglingarleiðum í Mið Evrópu. Hún á upptök sín í Tékklandi og rennur síðan sína 1165 km leið og út í Norðursjó.

Við enduðum daginn í bænum Farge við bakka árinnar Weser í norðvestur Þýskalandi.

AF FB SÍÐU TEAM RYNKEBY:

Dagur 2. Sunnnudagur 10.júlí Tonning – Bremen. Í dag verður hjólað í gegnum Þýskaland. Langur og æðislegur dagur bíður okkar. Ætlum að fara 191 km og 457 hæðametra. Bara létt rúll, ein lítil sæt brekka sem við köllum bara smá hól Þessi hjóladagur er frábrugðinn öðrum dögum þar sem við förum í tvær siglingar. Siglum yfir Kílarskurðinn og svo ána Elbe, þetta er helsta siglingarleið í mið Evrópu.Við erum að gera það allra skemmtilegasta sem við gerum og það gerir Team Rynkeby sem liðsheild. Hjólum sem eitt hjól Í lok dags verðum við búin að hjóla til Bremen í norðvestur Þýskalandi.Nú fara dagarnir að verða langir í Km og rífa meira í.

Komin til Bremen Sveitir Þýskalands eru fagrar. Fallegir stígar og bæir þar sem ró er yfir enda er sunnudagur. Hitinn er búin að vera í 35˚ sem er ekki kjöraðstæður fyrir okkur við erum endalaust þyrst Dagurinn var flókin því við þurftum að fara í tvær ferjur en það skipulag gekk vel upp hjá okkur.Öllum fallegum dögum fylgja stundum dökk ský. Lentum í einu smá falli sem fór betur en á horfðist. Öllum líður vel Við störfum fyrir Umhyggju og erum umhyggjusöm við hvort annað. Þaðan kemur kærleikurinn . Við erum í vegferð saman og höldum utan um hvort annað og saman verður París okkar Í dag lærðum við að vera umhyggjusöm því svoleiðis verður lífið betra

Morgunmatur 06:30, mæting 07:45 og brottför 08:00. Við lögðum af stað frá Comwell hótelinu í Kolding í Danmörku. Dagleiðin okkar var 168.5 km.

Eftir um 84 km stoppuðum við í Padborg og tökum hádegishlé í vöruskemmu flutningafyrirtækisins H.P. Terkelsen A/S.

Öllum Team Rynkeby liðum sem fara þar framhjá var boðið í hressingu í hádeginu hjá þeim. Vel gert hjá þeim og það bauð okkar einnig djús, vatn ofl. sem við fengum gefins frá Rynkeby Foods.

Fljótlega eftir hádegismatinn eða eftir um 87 km kvöddum við Danmörku og fórum yfir landamærin til
Þýskalands. Þegar við fórum yfir landamærin heitir sama gatan Danmerkurmegin ,,Indstustrivej‘‘ en
Þýskalandsmegin ,,Ochsenweg‘‘.

Við héldum svo áfram leið okkar eftir þýskum vegum að hótel LandHaus Pfahlershof.

FRÁ FB SÍÐU TEAM RYNKEBY

Dagur 1. Laugardagur 9.júlí Kolding – TonningVið leggjum af stað í okkar vegferð frá Kolding á Jótlandi sem er 58.000 manna fallegur bær. Heimamenn kalla þetta smábæ . Í dag verðurhjólað til Þýskalands. Förum 168.5 km og 555 hæðarmetra. Veður er gott og svo gott að hjóla í hita. Okkur er boðið í mat hjá flutningafyrirtæki. Þeir bjóða dönsku liðum Team Rynkeby og Íslenska liðinu í svaka veislu og við borðum þar Fyrsti dagurinn verður bara létt rúll og ekkert um neinar brekkur að ráði.Tilfinningar í okkar hjörtum eru miklar og af öllum gerðum. Spenna eftirvænting og svo mikil gleði.Ferð okkar er hafin hér er linkur þar sem hægt verður að fylgjast með okkur í gegnum Evrópu

Við setjum inn færslur á FB daglega og erum mikið á Instagram. Þar sem verður hægt verður að fylgjast vel með okkur.Instagram: teamrynkebyislandhttps://racemap.com/player/team-rynkeby-2023…Team Rynkeby Ísland við erum lögð af stað

Danmörk yfir til Þýskalands Við erum komin til þýskalands. Dagur þar sem allt gekk vel en öllum góðum dögum fylga smá hnökkrar sem við lögumEkki eitt sprungið dekk og lítið um viðgerðir. Gleðin er í okkar hjörtum og kærleikurinn allsráðandi. Tókum á móti sólríkum degi og og lönduðum fallegu bronsi í okkar söfnun Ætlum að nota kvöldið í að borða góðan mat og njóta þess að vera saman. Allir í Team Rynkeby Ísland skila góðri kveðju heim

169 km – 6 klst 32 mín moving time – 25,9 km meðalhraði.