Monthly Archives

ágúst 2019

Daglegt lífHlaup

Reykjavíkurmaraþon TÖLFRÆÐI

by Halldóra

Alltaf gaman að rýna í tölfræði, sérstaklega þegar maður leggur af stað í maraþon með engin markmið, nema að hafa gaman og klára. Gaf mér um 4,5-5 klst í þetta maraþon, en kláraði á rétt rúmum 4 klst, sem er þriðji besti tími minn í maraþoni. Náði besta tímanum í Reykjavíkurmaraþoni 2016, á 3 klst 55 mín og 26 sek, sem voru þá 26 sek. frá Boston lágmarki.

2019             Reykjavik Marathon                          Date: 24. Aug.2019                      Time: 04:02:57
2017             Boston Marathon                               Date: 17. Apr.2017                       Time: 04:50:10
2016             Reykjavik Marathon                          Date: 20. Aug.2016                      Time: 03:55:26
2015             Maratón de Sevilla Spain                  Date: 22. Feb.2015                        Time: 04:01:50
2012              Reykjavík Marathon                          Date: 18. Aug.2012                       Time: 04:11:36
2012              Paris Marathon                                  Date: 15. Apr. 2012                       Time: 04:03:29
2011              Copenhagen Marathon                     Date: 22. May 2011                       Time: 04:35:33

Önnur áhugaverð tölfræði er í hvaða sæti maður lendir. Rúna Rut vinkona sagði mér að ég væri í 500 sæti af rúmlega 1100 þátttakendum, sem var skemmtileg tilviljun, þar sem ég var númer 50 og ákvað að taka þátt með 2ja daga fyrirvara út af 50 ára afmælisárinu mínu og ég hljóp 50 km þennan dag.

FYRST ÍSLENSKRA KVENNA Í ALDURSLOKKNUM 50-59 ÁRA
Ég varð í 15 sæti í aldursflokki yfir allar konur 50-59 ára af 90 konum og í fyrsta sæti af íslenskum konum í aldursflokknum. Varð 13 íslenska konan overall í mark af 43 íslenskum konum sem hófu keppni en 42 kláruðu.

0 comment
0 FacebookTwitterPinterestEmail
Daglegt lífHlaupKeppnissaga

Reykjavíkurmaraþon 2019

by Halldóra

Tók hvatvísa ákvörðun fyrir tveim dögum að skrá mig í heilt maraþon (50 ára afmælisáskorun) þar sem spáin var góð og ný og spennandi leið í heilu maraþoni. Varð ekki fyrir vonbrigðum, frábært veður, skemmtileg braut, frábær félagsskapur og ég fór þetta bara á gleðinni eins og ég ætlaði mér enda stutt í Ermasundið og HM í þríþraut í Lausanne.

Varð í sæti númer 500 af rúmlega 1100 þatttakendum. 15 sæti af 90 konum í aldursflokki og 97 af 387 konum.


Takk allir sem ég hitti í dag fyrir hvatninguna – þið eruð BEZT 🇮🇸😍🥰#50áraáárinu#Íslandbestíheimi#reykjavikmarathon#ágústproject#500sæti#50kmídag
Skokkaði svo heim eftir maraþonið til að ná nákvæmlega 50 km í dag 😉 
#beatyesterday#hokaoneone

0 comment
0 FacebookTwitterPinterestEmail
Daglegt lífHlaup

Viðtal í morgunútvarpi Rásar2

by Halldóra

„Þriðjungur þeirra sem tekur þátt í þríþautum í Bandaríkjunum eru á milli fertugs og fimmtugs, samkvæmt tölum þríþrautarfélagasamtökunum þar. Meðalaldur maraþonhlaupara í Boston maraþoninu er rétt ríflega 42 ár. Við sjáum að sífellt fleira fólk á miðjum aldri kýs hjólreiðar, hlaup og fjallgöngur. Hvað skýrir það? Halldóra Gyða Matthíasdóttir Proppé ofurhlaupari ræðir málið í Morgunútvarpinu. „

Hægt að hlusta á viðtalið hér á ca 32 mín.

https://www.ruv.is/utvarp/spila/morgunutvarpid/23822?ep=7grqp9
0 comment
0 FacebookTwitterPinterestEmail
Daglegt lífSjósund

Marglyttur synda frá Viðey að Skarfakletti

by Halldóra

Hef í mörg ár dreymt um að taka þátt í þessu Viðeyjarsundi, þar sem synt er annað hvort önnur leiðin, eða fram og til baka frá Skarfakletti í Viðey. Viðeyjarsundið er alltaf á föstudeginum fyrir Reykjavíkurmaraþon Íslandsbanka og Menningarnótt, sem er ástæðan fyrir því að ég hef aldrei farið. Hef ekki viljað eyða orkunni í sundið, kvöldið fyrir hlaup. Markmiðið var alltaf að synda í wet-suit búningi sem ég nota í þríþrautinni.

Draumurinn um Viðeyjarsundið varð að veruleika í kvöld þegar ég ásamt fimm Marglyttum vinkonum mínum, syntum frá Viðey að Skarfakletti. Við fórum í fallegum hvítum náttsloppum út í Viðey með ferjunni og syntum svo í land. Við syntum ekki í wet-suit búningi og ekki með hanska, sokka eða neo-prane sundhettu, heldur bara á sundbolnum og með Speedo sundhettu og sundgleraugu. Hitastig sjávar var 10,5 gráður að sögn vinar míns Benna sjónsundskappa.

Sundið gekk samt mjög vel, við fórum í sjóinn í beinni fréttaútsendingu Stöðvar2 þar sem tekið var viðtal við Sigrúnu Ermasundsdrottningu og þjálfarann okkar.

Hér má sjá viðtalið við Sigrúnu. Sundið gekk mjög vel og ég var rétt rúmar 20 mínútur með þessa rúmu 900 metra sem eru frá Viðey í Skarfaklett. Alltaf gaman þegar draumarnir rætast og maður fer fram úr eigin væntingum.

Nú eru bara 12 dagar í að við eigum fyrsta sundrétt í Ermasundið, eða 4. september. Nú erum við tilbúnar og hlökkum mikið til.

0 comment
0 FacebookTwitterPinterestEmail
Daglegt lífSjósund

Hreinsun á Mölvík í Grindavík

by Halldóra

Marglyttur ásamt Forseta Íslands og fjölmörgum sjálfboðaliðum aðstoðuðu Bláa herinn við að hreinsa Mölvíkina í Grindavík í dag.

Hópurinn, um 60 manns, náðu að safna um 2 tonnum af plasti og öðru rusli, eins og kaðlaefni, strappefni, skópörum og ýmsu öðru.

Mikilvægt er að allir Íslendingar, bæði á landi og á sjó, hugsi vel um umhverfið og losi ekki rusl á almannafæri.

Sjá nánari umfjöllun um hreinsunina hjá www.mbl.is

0 comment
0 FacebookTwitterPinterestEmail
Daglegt lífFjallahlaup

Dagur 7: Col des Mottets – La Flegere – Chamonix (14 km og um 700m hækkun)

by Halldóra

Síðasti hlaupadagurinn býður upp á stórbrotið útsýni yfir Chamonix dalinn og Mt. Blanc. Hópnum verður skutlað smá spotta frá Vallorcine til Col des Mottets þar sem leiðin liggur til Tete aux Vents (2130) og La Flegere skálans. Ef veður er gott munum við bæta við stuttum spotta að Lac Blanc sem er aðeins ofar í hlíðinni en þar er stórkostleg náttúra og útsýni. Frá Flegere liggur leiðin nánast beint niður til Chamonix um skemmtilegan skógarstíg. Við hlaupum síðasta spottan með bros á vör að kirkjutorginu þar sem við skálum í kampavíni eftir magnaða viku.
-Ógleymanlegur hlaupadagur þar sem toppur Mt. Blanc og nálægir tindar blasa við allan tímann.
-Gisting á hóteli í tveggja manna herbergjum.

0 comment
0 FacebookTwitterPinterestEmail
Daglegt lífFjallahlaup

Dagur 6: Champex – Trient – Vallorcine: 25 km og um 1500m hækkun

by Halldóra

Þessi dagur verður strembinn þar sem við förum yfir tvö skörð á leiðinni. Við höldum frá Champex og förum yfir les Bovines til smábæjarins Trient (1300 m). Hægt er að fá sér hressingu á leiðinni niður til Trient áður en við höldum áfram yfir næsta skarð, Col de Balme (2191m). Við endum daginn á langri brekku niður til bæjarins Vallorcine (1260 m) og eftir krefjandi dag borðum við góða máltíð og gistum á gistiheimili.
-Langur dagur á flottum stígum þar sem við förum frá Sviss yfir til Frakklands á ný.
-Kvöldverður, morgunverður og gisting á gistiheimili. Farangri skutlað frá Champex.

0 comment
0 FacebookTwitterPinterestEmail
Daglegt lífFjallahlaup

Dagur 5: Bonatti skálinn – Ferret skarð – La Fouly (20 km og um 770m hækkun)

by Halldóra

Í dag liggur leiðin yfir til Sviss og við höldum áfram inn dalinn að Ferret skarðinu (2537 m). Upplagt er að horfa til baka eftir Veny dalnum og yfir að Seigne skarði áður en við höldum niður samnefndan dal Sviss megin landamæranna. Útsýnið er talsvert annað en við eigum að venjast frá göngu undanfarinna daga og ekki laust við að minni ögn á heimaslóðir. Við gerum stuttan stans við La Peule (2071 m) og getum fengið okkur hressingu þar áður en við höldum áfram til bæjarins La Fouly (1610 m). Hópnum verður skutlað til Champex (1466 m) þar sem við fáum farangurinn okkar og gistum í nótt. Bærinn Champex er vel í sveit settur við lítið fjallavatn og umlukinn skógi.
-Dásemdar dagur þar sem við klífum yfir til Sviss í stórkostlegu landslagi Veny dalsins.
-Gisting á gistiheimili í tveggja manna herbergjum. Kvöldverður og morgunverður innifalinn.

0 comment
0 FacebookTwitterPinterestEmail
Daglegt lífFjallahlaup

Dagur 4: Courmayeur – Bertone – Bonatti skálinn (12 km og um 790 m hækkun)

by Halldóra

Þessi dagur verður styttri og léttari en við þurfum að bera með okkur örlítið aukadót fyrir tvo hlaupadaga þar sem enginn vegur liggur til skálans sem við gistum í. Við njótum bróðurhluta dagsins í Courmayeur og stefnum á að vera komin í Bonatti fjallaskálann fyrir kl. 18. Hér gæti veðrið ráðið því hversu snemma við leggjum í hann. Hlaupið hefst úr bænum og við stefnum á Bertone skálann (1989 m) sem stendur á brekkubrúninni. Þar er hægt að fá sér hressingu áður en við skokkum eftir fjallshlíð Ferret dalsins. Við nemum staðar við Bonatti skálann (2025 m) og komum okkur fyrir. Skálinn er einn sá flottasti á TMB leiðinni með frábærri aðstöðu.
-Styttri hlaupadagur þar sem verður lögð áhersla á að njóta Ítalíu og útsýnis.
Gisting í Bonatti skálanum.

0 comment
0 FacebookTwitterPinterestEmail
  • 1
  • 2